CONVOCATORIA PROCESO SELECTIVO CONTRATACIÓN PERSOAL LABORAL TEMPORAL (PEL 2022)
EXP: 2022/G003/000092
Por medio do decreto da Alcaldía do 15/03/2022 aprobáronse as bases de selección de persoal laboral temporal para a contratación das persoas desempregadas para a execución de obras e servizos municipais, financiada pola Deputación Provincial da Coruña PROGRAMA PEL-CONCELLOS 2022.
O Concello de Abegondo convoca as seguintes prazas:
- 1 tractorista
- 2 peóns de obras públicas
- 1 peón forestal
As instancias presentaranse acompañadas do DNI ou NIE. Así mesmo, achegarase a documentación acreditativa dos requisitos mínimos necesarios para a admisión, segundo o previsto para cada unha prazas no apartado correspondente das bases. Tamén se achegará a documentación acreditativa dos méritos alegados na instancia para a súa valoración.
Deberán presentarse no rexistro municipal en horario de 09.00 h a 14.00 h, a través da sede electrónica do Concello (sede.abegondo.gal) ou ben mediante o procedemento que regula o artigo 16 da Lei 39/2015, do 1 de outubro, do procedemento administrativo común das Administracións Públicas (neste caso enviarase un correo electrónico ao enderezo adl@abegondo.gal dentro do prazo de presentación).
Prazo de presentación de instancias: 5 días naturais que se contarán dende o día seguinte ao da publicación do anuncio da convocatoria no Boletín Oficial da Provincia da Coruña (BOP).